Cácaí ar Chúinne Camden

Leagan Béarla
Tá caifé nua aimsithe agam i mBaile Átha Cliath!!
 An fhírinne glan – níl tuairim dá laghad agam maidir leis an gcraic seo i dtaobh ‘léirmheas caifé/criticeoir bialann’ a dhéanamh, ach d’airigh mé go raibh orm rud eicínt a rá faoin áit seo!
Díreach as Pleasant’s Place (meallann fiú ainm na sráide mé!) agus insroichte freisin tríd siopa Daintree’s ar shráid Camden, glacaim le seachmall nach rún eisiach a thuilleadh é ‘The Cake Café’, comh mór is a bhíodh tamaill ó shin sular cuireadh san áireamh é ar Dublin’s Fab Food Trail, a chuidigh go mór le cogar na sráide a scaipeadh ar fud na háite faoi.
images-1
Is mé ag teacht isteach seal beag roimh am lóin, bhí an áit beag teolaí ag pléascadh le beatha, boladh thairgeadh úr na hÉireann, tairgí bhaile, agus pónairí caifé úra ag fágail bhaile i gcupáin brandáilte leis an bhfrása iontach ‘Cupán Will Ya?’! (Admhaím go mbím thar a bheith sásta an Ghaeilge a fheiceáil in úsáid nuair nach bhfuil mé ag súil léi!).
Ina shuí sa chúinne ag ól braoinín caifé agus ag breathnú beagáinín as áit bhí Brian Dobson, fad is a bhailigh cúpla culaith eile thart timpeall ar na boird beaga a bhí taobh amuigh. Thug mé cúpla gloine fíona agus beoir ceirde faoi dheireadh i measc an sú úr agus muigíní tae ina measc.
Mo chineál áite’, a smaoingh mé dom fhéin.
Shiúil mé isteach go hamhrasach le mata íoga thar ghulainn amháin, agus laptop sa lámh eile, ag lúbadh mo bhealach isteach tríd na boird a bhí dingthe agus daonraithe le hoibrithe oifige ó na comhlachtaí móra timpeall na háite. Ní raibh cúis imní agam le fada, dar ndóigh, de réir is a tháinig na ‘foodies’ eile isteach, ag líonadh na háite faoin am ar shroich an clog beag caoindéanta le 1 i.n.
Nuair a deirim go bhfreastalaítear ar chuile thaobh san áit seo, agus go bhfreastalaítear go maith ar, deirim go láidir é. Scartha i rannóga ‘Bricfeásta’ agus ‘Lón’, le rudaí breise le fáil ar thaobh agus dar ndóigh na ‘Cácaí’ ríthábhachtacha ag deireadh, níl an biachlár é fhéin roleathan. Is mé ag glugadh siar mo chuid caifé, áfach, ba léir dom go raibh na rogha uilig ar an mbiachlár dochreidte agus níos tábhachtaí arís – thar a bheith sláintiúil, is mé ag faire amach orthu ar a n-aistear ón gcistin don bhord.
D’imigh na mná óga ag obair ann thart i bhfuadar an chaifé ag freastal ar roinnt custaiméirí le hainmneacha ar eolas acu, agus roinnt eile le mangáire agus comhartha i dtreo na boird a bhí fós folamh.
Ghéill mé faoi dheireadh, agus d’iarr mé biachlár uathu, mo chinneadh tar éis roinnt éiginnteacht ag dul leis an ‘Chorizo and Goats’ Cheese Salad with Homemade Brown Bread’, ag iarraidh sicín in ionad an chorizo, agus ag súil go mór nach dtiocfadh ‘food envy’ orm is an cailín óg in aice liom ag fáil granola le íogurt nádúrtha, peanut butter, agus banana. (Pointí sa mbreis ag dul go na freastalaí álainne as a bheith comh deas faoin athrú beag seo i m’ordú).
Is an babhla granola in aice liom do mo chur amú agus ag pleanáil bhricfeásta don lá amárach cheana féin, stop mé ag smaoineamh comh fada chun tosaigh nuair a tháinig mo bhéile fhéin. Cuireadh díreach ar ais so nóiméad mé le blaiseadh a thógáil den mheascán speisialta seo de cháis, trátaí, sicín, dates, beetroot, agus roinnt dathanna agus glasraí úir eile! Faigheann an saléid seo pointí chun tosaigh arís as a bheith thar a bheith sláintiúil agus taitneamhach, agus freisin as caighdeán an arán donn a tháinig in éineacht leis.
De gnáth ní thaitníonn dátaí liom (dates), ach bhí na cinn seo te agus bog agus chuir siad go mór leis na blais eile a bhí ar an bpláta – cheap mé go raibh feith an ghrinn liom ag seoladh pictúir dóibh go cara liom ag eagrú ‘dáta’ eile ann ansin an tseachtain seo chugainn.
unnamed-2
Saléid de goats’ cheese, sícín, beetroot, dátaí agus arán bhaile
Sular n-éirím ró-sceitimíneach faoi na biachláir (thar a bheith blásta!) i gcomhair lóin agus bricfeásta, caithfear trácht a dhéanamh ar na cácaí. Is ‘Cake Café’, atá ann, ar deireadh. Cúis bróid atá ann do mhuintir na gcácaí (mar céard eile a gcuirfeá orthu!?) cácaí a dhéanamh is a sheoladh amach le hordú taobh istigh de 24 uair a chloig. Cinnte, is mé ag suí ann liom fhéin ar mo sháimhín só le mo lón chonaic mé neart idirbheart cáca-d’airgid ag tarlúint thar an gcuntar. Ní hamháin cácaí réamhordaithe nó fiú cácaí ina iomláin, ach slisíní, bocainí, agus tartaí ildáite comh maith!
Cé gur bhreathnaigh na rogha uilig dochreidthe, agus ba chosúil go raibh súp á bhaint astu ag na daoine thart timpeall orm a roghnaigh ó liosta na gcácaí, níor thriáil mé aon cheann acu an chéad lá sin. Ní raibh mé in ann cinneadh a dhéanamh, agus tar éis mo bhéile (thar a bheith sóúil) fhéin, níor theastaigh uaim a thuilleadh bia saibhir an lá sin. Rinne mé cinneadh liom fhéin áfach go bhfillfinn ar ais go luath le ceann a bhlaiseadh.
Ba chúis imní dom an praghas a shamhlú is mé ar an eolas faoin eisiachas atá ag baint leis an áit seo, ach sheol caighdeán an bhia agus an tseirbhís aon amhras a bhí agam ag eitilt glan as mo chloigeann leis na bhféileacháin ildáite ag maisiú na gcacáí. D’fhán mé ar feadh tréimhse ina dhiaidh mo bhéile a chríochniú, ag faire amach timpeall orm, agus thug mé le fios gur rogha coitianta a bhí sna huibheacha agus sna glasraí rósta ar arán donn.
Ba shilín ar an gcíste é (ní léirmheas ‘Cake Café’ a bheadh ann gan an frása sin a úsáid!) go bhfuil fíon, prosecco, agus rogha deas beoir agus manglaim (cocktails) á ndíol acu comh maith, agus cinneadh eile á dhéanamh agam liom fhéin teacht ar ais oíche eicínt le deoch agus píosa cáca roimh dul amach ar shráid Camden.
Ag filleadh ar ais an lá dar gcion le cupán caifé a fháil agus píosa cáca (go hálainn, ní bhéinn ag súil le níos lú!), scaoileadh sceamh beag ‘fangirly’ ó mo bhéal nuair a chonaic mé Bressie ag suí ar thaobh eile an chaifé. Sea. Bressie. Beagnach cinnte gur thuig sé mé ag stánadh air, freisin. Taitníonn cáca le Bressie. Mar sin, taitníonn cáca liom. Nach hea sin a dheireann siad??
Mura dtugann sé seo cúis duit cuairt a thabhairt ar an ‘Cake Café’ go luath, níl a fhios agam céard eile ar féidir liom a rá.
images
Íum!

Nascanna úsáideacha:

 Dublin’s Fab Food Trails
@The Cake Café ar Twitter
The Cake Café ar Facebook
The Cake Café Online

“Tá sé ina Gheimhreadh”

Léirmheas ar an scannán Disney is déanaí – “Frozen” (2013)

November 1st, 2013 @ 20:51:56

Tá sé ina Gheimhreadh”

 Cé nach bfhaca mé go dtí mí Feabhra an scannán seo, bhí rud eigín oiriúnach ag baint leis an gcaoi gur díreach ag tús an Earraigh a bhfuil sé feicthe agam faoi dheireadh.

An chéad mór-tháirgíocht beoite ó gur scaoileadh “Brave” i 2012, is mór an phoiblíocht a thug Disney do “Frozen” – an oiread sin go raibh neart in amhras go mbeadh maitheas air in aon chor. Ach dar ndóigh, ag claoi leis an ndraíocht intógtha sin a cuireann Disney ar leathaobh dá gcuid pictúir beoite, bhí geas á imirt orm ón gcéad radharc amach – is cosúil go raibh mé “reoite” im shuíocháin!
Mar pháiste a togadh ar na scannáin Disney, ba mhór an ócáid a bhí ann i gcónaí nuair a scaoileadh ceann nua- mo chéad chuairt ar an bpictiúrlann chun “101 Dalmations” a fheicéail ag gobadh amach mar chuimhne láidir dhom. Mar sin, bheadh claonadh ag duine ar bith ar chomhaois liomsa cuid den chumha sin a bhíonns ionam i gcónaí ag tabhairt aghaidh ar Disney “nua-aoiseach” a mhothú. Sé sin le rá go bhfuil na “Disneys” mar a bhí taithí againne orthu ar ais sna nochaidí i ndiaidh “makeover” ollmhór a bheith acu – ó thaobh tairgíocht scáileáin ach go háirithe. Is amhlaidh go bhfuil fiú na banphrionsaí Disney agus a gcuid ainmhithe ceolmhaire anois le feicéail i 3-D, ar Blu-Ray, agus ar-líne ma theastaíonn sé uainn. Cé nach mar an gcéanna iad, is cinnte go bhfuil maitheas, sonas, agus teachtaireachtaí saolta na “Disneys” fós ag baint leo – caighdeán a leag a leithéid de Aurora agus Cinderella amach sna blianta siar ó shin.

Le hainmneacha mór le rá a chuir sna haitheantais, a leithéid de Idina Menzel agus Kristen Bell, d’éirigh le Disney aird a tharraingt ar “Frozen” agus spéis a mhuscailt arís i lucht leanúna na Disneys, go chomhuaineach ag tabhairt dóchas dúinn go mbeadh cúpla amhrán faoi leith a sheasann amach dúinn. Agus ní gan chúis – is annamh amhrán sa scannán seo nach ndealraíonn sean-teachtaireachtaí na Disneys.

Ón gcéad radharc idir na deirfiúreacha ag spraoi lena chéile is iad óg, is léir go bhfuil feith an ghrinn ag baint leis an scannán chomh maith. I stíl traidisiúnta na Disneys, feictear gluaiseacht ama is an scannán fós ag oscailt. Insítear an scéal seo trí ghníomhartha Anna, deirfiúr le hElsa, a bhfuil mallacht uirthi nach féidir léi smachtú, agus tugtar le fios nach féidir le hAnna a bheith ar an eolas faoi. Mar sin, feictear na deirfiúreacha ag dul in aois le teannas eatarthu, toisc nach féidir le hElsa a rún a scaoileadh. Is deacair na mothúcháin a cheilt ag éisteacht lena leithéid de “Do You Wanna Build A Snowman?” agus tuiscint a bheith agat nach bhfuil Elsa ag iarraidh fear sneachta a thógáil, agus nach mbeidh go deo.
De réir mar a théann an scannán ar aghaidh, feictear tionchar na mbanphrionsaí eile ag brú isteach – Aurora, ó “Sleeping Beauty”, agus Rapunzel ó “Tangled” scoite amach óna gclann is cairde mar gheall ar gheasa agus feall. I stíl tipiciúil na mbanprionsaí, bíonn go leor ag braith ar an ngrá agus ar an troid idir mhaitheas agus an t-olc, agus is mar sin a thiteann na heachtraí amach – le roinnt tráchtanna mhealltacha tríd síos ón bfhear sneachta aidhirigh –  Olaf.

Déantar é seo go léir le headarlúidí cheoil a luíonn isteach gan cháim le na heachtraí ag titim amach timpeall orthu. D’fhéadfá a rá go mbuailtear buacphointe an scannáin is Idina Menzel mar Elsa, in airde sna sléibhte ag canadh “Let It Go”- amhrán a scríobh Kristen agus Robert Lopez, agus a fuair ainmniúcháin do na“hOscars” i mbliana.

Is amhlaidh go dtugtar tosaíocht don nádúr sa scannán seo, ó thaobh an mhallacht atá ar Elsa an t-oighear agus fuacht a stiuiriú, agus an teachtaireacht taobh thiar dá héalú – a bheith fíor duit féin agus sásta sa saol a bhfuil agat. Chomh maith le sin, tugtar dóchas nach mhaireann an gheimhreadh go deo – smaoineamh atá ábhairín “clíchéd” sa linne seo, ach a bhfuil suaimhneas eicínt ag baint leis.

Teachtaireachtaí coitianta iad seo i réimse scannáin do pháistí, ach sílim go n-éiríónn le Disney é a thabhairt dúinn ar árdán níos airde le “Frozen”, a leithéid nach bfhaca muid ó aimsir an “Lion King” – is féidir idir óg agus aosta sult a bhaint as. Caithfear soiléiriú a dhéanamh anseo – nílim ag rá go bhfuil sé níos fearr ná an “Lion King”, ní féidir a leithéid sin de dhraíocht a athchruthú; ach, don ghliúin seo, páistí atá ag tabhairt aghaidh do Dhisney don chéad uair,  gach sheans go mbeidh “Frozen” mar rogha scannáin is fearr acu.